अछामका तीन गाउँपालिका मध्ये २ मा नेपाली कांग्रेसले जितेको छ। बान्नीगढी जयपुर गाउँपालिका र ढकारी गाउँपालिकामा नेपाली कांग्रेसले विजय हासिल गरेको हो।
नेकपा माओवादी केन्द्रले मेल्लेख गाउँपालिकामा जितेको छ।
ढकारी गाउँपालिकामा नेपाली कांग्रेसका धनबहादुर बुढा अध्यक्षमा र कांग्रेसकै लक्ष्मी साउद उपाध्यक्षमा विजयी भएका हुन्।
बान्नीगढी जयपुर गाउँपालिकामा कांग्रेस–माओवादी गठबन्धन विजयी भएको छ। नेपाली कांग्रेसका राजेन्द्र खडका अध्यक्षमा र लोकबहादुर साउद उपाध्यक्षमा निर्वाचीत भएका हुन्।
मेल्लेख गाँउपालिकामा पनि कांग्रेस–माओवादी गठबन्धनले जितेको हो। अध्यक्षमा माओवादी केन्द्रका लोकबहादुर बोहरा र कांग्रेसका उपाध्यक्षमा धनबहादुर शाह विजयी भएका छन्।