मोरङको लेटाङ नगरपालिकामा नेपाली कांग्रेसका शंकर राई जिततर्फ अग्रसर देखिएका छन्। उनले निकटतम प्रतिद्वन्दी नेकपा एमालेका भूपेन्द्रकुमार लावतीलाई ५ सय २४ मतले पछि पारेका छन्। हाल ३, ४ र ६ वडाको मतगणना भइरहेको छ। यसपछि ५ वडाको मतगणना गर्न मात्र बाँकी रहनेछ।
राईले हाल ५ हजार ३ सय ३२ मत प्राप्त गरेका छन्। उनको प्रतिद्वन्दी लावतीले ४ हजार ८ सय ८ मत प्राप्त गरेका छन्। उपमेयरको पदमा भने एमालेकी कृष्णकुमारी पोखरेल अगाडि देखिएकी छिन्। उनले ४९ सय ५ मत प्राप्त गरेकी छिन भने कांग्रेसकी सुभद्रादेवी भट्टराईको ४३ सय ८४ मत छ।