गिरफ्तार गरिएका कार्यकर्ता अझै रिहा नगरेको बताउँदै नेपाल कम्युनिस्ट पार्टीले राेल्पामाअनिश्चितकालीन यातायात बन्द आह्वान गरेको छ ।
सो पार्टीका रोल्पा जिल्ला सेक्रेटरी दलकबहादुर खत्रीले विज्ञप्ति जारी गरी निर्वाचन विरोधी गतिविधिमा संलग्न रहेको आरोपमा पक्राउ परेका आफ्ना कार्यकर्ता अझै रिहा नगरेको भन्दै बन्द आह्वान गरिएको बताए ।
रोल्पामा ११ जना र एक पत्रकारलाई गिरफ्तार गरी लामो समय हिरासतमा राखेर आइतवार राति १० बजे रिहा गरिए पनि केही दिनअघि अर्का कार्यकर्ता वीरबहादुर ओलीलाई गिरफ्तार गरी हालसम्म पनि रिहा नगरेको पार्टी रोल्पाले बताएकाे छ । गिरफ्तार गरिएका आफ्ना कार्यकर्ता रिहा नभएसम्म यातायात बन्द जारी रहने सो पार्टीले बताएको छ । रासस
