सुनसरीको इटहरी उपमहानगरपालिकामा कांग्रेसलाई एमालेले अग्रता कायमै राखेको छ। एमालेका मेयर उमेदवार द्वारिकलाल चौधरीले बिहान ९ बजेसम्म प्राप्त मत गणना अनुसार ११२६ मतले अग्रता लिइरहेका छन्।
चौधरीले १५ हजार ३९३ मत ल्याएका छन् भने नेपाली कांग्रेसका रोहित प्रसाईँले १४२६७ मत ल्याएका छन्।
उपमेयरमा पनि एमालेले कांग्रेसलाई पछि पारेको छ। एमालेकी लक्ष्मी गौतमले १४६६४ मत पाएकी छन् भने नेपाली कांग्रेसकी विमला ढकालले १३०९७ मत पाएकी छन्।
माओवादी केन्द्रका मेयर उम्मेदवारले २२९३ मत पाउँदा उपमेयरका उम्मेद्वारले २८६० मत पाएका छन्।
२० वटा वडा रहेको इटहरी उपमहानगरपालिकामा ७७ हजार ६९४ मतदाता रहेकोमा ५७ हजार ३७९ मतदाताले मतदान गरेका थिए ।
