झापाको बुद्धशान्ति गाउँपालिकामा एमाले जिल्ला अध्यक्ष चिन्तन पाठकलाई हराउँदै नेपाली कांग्रेसका उम्मेदवार विजयी भएका छन्।
कांग्रेस उम्मेदवार रमेश भुजेलले ७ हजार ९ सय ९६ मत ल्याउँदै पाठकलाई हराएका हुन्।
उनका निकटम प्रतिद्वन्दी पाठकले ७ हजार ३ सय ५३ मत ल्याए । पार्टी अध्यक्ष उठेको गाउँपालिकामा आफ्नो जीतलाई एमालेले प्रतिष्ठाको विषय बनाएको थियो । तर, अध्यक्षको गृह गाउँपालिकामा ६ सय ४३ मत अन्तरले पराजित भएको छ ।
यस्तै माओवादी केन्द्रका मेयरले २ हजार ६६ मतसहित तेस्रो भएका छन्। माओवादी केन्द्रबाट खड्ग तिम्सिना ‘पवन’ उम्मेदवार बनेका थिए ।
यस्तै, उपमेयरमा भने एमालेकी उम्मेदवार मिरा भुर्तेल विजयी भइन्। उनले ७ हजार ४ सय ५७ मत प्राप्त गरिन् ।
भुर्तेलकी निकटम प्रतिद्वन्दी कांग्रेसकी चन्द्रकला भट्टराईले ६ हजार ८ सय ४ मत ल्याइन् । माओवादीबाट उपमेयरकी उम्मेदवार बनेकी अस्मितकला लिम्बुले २ हजार ५ सय ८ मत प्राप्त गरिन् ।
