तुलसीपुर उपमहानगरपालिकाका नव निर्वाचित मेयर घनश्याम पाण्डेले चुनावको समयमा बजारमा टाँगेका प्रचार सामाग्री आँफैले हटाएका छन्।
नेकपा एमालेबाट मेयरमा निर्वाचित पाण्डेले बजारका विभिन्न स्थानमा टाँगीएका एमालेका झन्डा र व्यानर हटाउने अभियानको सुरुवात गरेका हुन । उनी त्यसका लागि आँफै पोलहरुमा चढेर निर्वाचनको समयमा टाँगीएका प्रचार समाग्री हटाएका हुन्।
त्यसक्रममा उनले तुुलसीपुर वजारलाई सुन्दर र समृद्ध वनाउने योजना सार्वजनिक गरेका थिए । उनले तुलसीपुरलाई हरित नगरका रुपमा विकास गर्नका लागि आफुले काम गर्ने वताएका छन् ।
