प्रधानमन्त्रीसमेत रहेका नेकपा (माओवादी केन्द्र) का अध्यक्ष पुष्पकमल दाहाल 'प्रचण्ड' र सत्तारूढ नेकपा (एमाले) का अध्यक्ष केपी शर्मा ओलीबीच भेटवार्ता भएको छ।
प्रधानमन्त्री दाहाल र अध्यक्ष ओलीबीच बिहीबार सिंहदरबारस्थित प्रधानमन्त्री तथा मन्त्रिपरिषद कार्यालयमा दुई घन्टा छलफल भएको हो।
भेटवार्तापछि अध्यक्ष ओलीले समसामयिक राजनीतिक विषयमा प्रधानमन्त्रीसँग कुराकानी गरिएको प्रतिक्रिया दिएका छन्।
संसदको बजेट अधिवेशन बोलाउने विषय सरकारको भएको भन्दै ओलीले छिट्टै अधिवेशन बोलाउने विश्वास व्यक्त गरेका थिए।
‘संसदको अधिवेशन छिट्टै बोलाउनु होला, यो सरकारको मामिला हो। संसदको मामिला हो। प्रधानमन्त्रीसँग समसामयिक राजनीतिलगायत विषयमा छलफल भयो,’ अध्यक्ष ओलीले भने।
प्रधानमन्त्रीलाई भेट्न अध्यक्ष ओली बिहीबार बिहान ११ बजेर ४० मिनेटमा प्रधानमन्त्री कार्यालय पुगेका थिए। त्यहाँबाट ओली दिउँसो १ बजेर ५३ मिनेटमा बाहिरिएका छन्।
(न्युज एजेन्सी नेपाल)
