जिल्ला ट्राफिक कार्यालय कास्कीले आर्थिक वर्ष २०७३ —४—१ देखि २०७४—०३—३१ सम्मको एक वर्षको अवधिमा सवारी नियम उल्लंघन गरी सवारी साधन चलाउने साधनलाई कारबाही गरी रू. तीन करोड ४९ लाख ४९ हजार ५०० राजस्व संकलन गरेको छ ।
सो अवधिमा ५० हजार ५९९ सवारी साधन कारबाहीमा परेका थिए । सो अवधिमा भएका ९९ वटा सवारी दुर्घटनामा ५८ जना मानिसको मृत्यु भएको कार्यालयका प्रमुख प्रहरी निरीक्षक विश्वराज अधिकारीले जानकारी दिए । उनका अनुसार चालकको लापरबाही, तीव्रगतिमा सवारी चलाउनु, मादक पदार्थ सेवन र चौपायाको कारणले बढी दुर्घटना भएका थिए । दुर्घटना गराउनेमा ट्रक ट्याङ्कर २०, बस १२, कार— जिप २१, ट्र्याक्टर ६, मोटरसाइकल ७१ र अन्य ४ छन् ।
सवारी साधनको स्वरुप परिवर्तन गर्ने ४१९, प्रेसर हर्न गरी सवारी चलाउने २१० र मादक पदार्थ सेवन गरी सवारी चलाउने १, हजार ६ सय ६ सवारी साधन पनि कारबाहीमा परेको ट्राफिक प्रहरी कार्यालयले बताएको छ । रासस