पाल्पाको तानसेन नगरपालिकाका प्रमुख अशोककुमार शाहीले तानसेनका प्रत्येक वडामा सडक सञ्जालले जोडिने बताएका छन् ।
चौधवटा वडामा सहजरुपमा यातायातको पहुँच विस्तार गर्ने काम यस आवमा नै हुने शाहीले बताए । ‘यो वर्ष सडक वर्षका रुपमा मनाउने छौँ, विकासका लागि सडक बनाउनुपर्छ, नगरभित्रका वडामा कच्ची सडक सञ्जालले जोड्नेछौँ, यो आवमा सके १०० नसके पनि ९० प्रतिशत सडकको काम हुनेछ’, शाहले भने – ‘पाल्पाको तानसेन नगरपालिकाको दमकडामा आधुनिक बस्ती विस्तार हुनेछ ।’
नवनिर्वाचित शाहीले पाल्पाको तानसेनमा पत्रकार सम्मेलनमा पहाडी जिल्ला पाल्पाको लेकमा बस्ती विस्तारको लागि पहिलो चरणमा सर्वेक्षण हुनेछ। पाल्पाको सडक चारदेखि छ लेनसम्मको निर्माण हुने र बस्तीभित्र खुल्ला जग्गा रहनेछ ।
पाल्पाको तानसेनमा निर्माण कार्य पूरा भएपनि स्थानीयका अवरोधका कारण सञ्चालनमा आउन नसकेको सेनेटरी ल्यान्डफिल साइट सञ्चालनमा ल्याउने तयारी भएको शाहीले बताए । स्थानीय तह आदेशका भरमा सञ्चालन गर्न नसकिने भएकोले स्थानीय तह सञ्चालनका लागि ऐन, विधिको आवश्यकता रहेको उनले बताए । रासस