भारतीय प्रधानमन्त्री नरेन्द्र मोदीले अजित डोभललाई राष्ट्रिय सुरक्षा सल्लाहकारमा फेरि नियुक्त गरेका छन्। उनी यसअघि पनि राष्ट्रिय सुरक्षा सल्लाहकार नै थिए।
सोमबार मोदीले आउँदो पाँचवर्षका लागि डोभललाई नियुक्त गरेको भारतीय सञ्चारमाध्यामले जनाएका छन्। उनले राष्ट्रिय सुरक्षाको क्षेत्रमा पुर्याएको योगदानलाई कदर गर्दै मन्त्रीसरहको मान्यता दिइएको छ।
उनी भारतीय सुरक्षा निकायमा १९६८ व्याचका अफिसर हुन्। डोभल जासुसी क्षेत्रमा अब्बल कार्यक्षमता भएका अफिसर मानिन्छ।
उनले ३३ वर्षदेखि जासुसी अफिसरकारूपमा काम गरिरहेका छन्। उनले भारतको उत्तर पूर्व, जम्मु कास्मिर र पञ्जावमा समेत काम गरेका थिए। पाकिस्तान र बेलायतका लागि उनले भारतीय डिप्लोम्याटका रूपमासमेत काम गरेका थिए।
