प्रतिनिधिसभाको ११ बजेका लागि डाकिएको बैठक दिउँसो १ बजेसम्मका लागि सरेको छ।
प्रतिपक्षी दलहरूले सर्लाहीका दुई घटनामा प्रहरीले गोली चलाएको विषयमा संसदीय छानबिन माग गर्दै आएका छन्। तर सत्तारूढ दलहरूले संसदीय छानबिन अस्वीकार गर्दै आएका छन्।
सभामुख महराले पनि प्रतिनिधिसभाको राज्य व्यवस्था समितिलाई छानबिनको जिम्मा दिन प्रस्ताव गर्दै आएका छन्। तर प्रतिपक्षी दलहरूले संसदीय छानबिनको अडान छाडेका छैनन्।
सभामुख महराले संसद सुचारु गराउने विषयमा नयाँ बानेश्वरस्थित संसद भवनमा सर्वदलीय बैठक डाकेका छन्। तर दलहरूबीच सहमतिको सम्भावना भने न्यून छ।
संघीय संसद सचिवालयका महासचिव मनोहरप्रसाद भट्टराईले दलहरूबीच बैठक खुलाउने विषयमा छलफल जारी रहेको उल्लेख गर्दै १ बजेसम्मका लागि बैठक सरेको सूचना प्रकाशित गरेका छन् ।
