परराष्ट्र मन्त्रीसमेत रहेका नेपाल कम्युनिष्ट पार्टीका स्थायी समिति सदस्य प्रदीप ज्ञवालीले राष्ट्रिय सभा सदस्यलाई प्रधानमन्त्री बनाउन संविधान संशोधन गर्ने प्रयास बेमौसमी बहस भएको बताएका छन्।
एक कार्यक्रममा सहभागी हुन स्विट्जरल्यान्ड पुगेका मन्त्री ज्ञवालीले मंगलबार ट्वीट गर्दै के नेकपा राजनीतिक स्थिरता दिन अक्षम छ भन्ने सन्देश दिन खोजिएको हो? भन्ने प्रश्न गरेका छन्।
उनले लेखेका छन्- कमरेडहरू, गत निर्वाचनमा हामीमाथि जनविश्वासको आधार थियो-स्थिरता र समृद्धिको अपिल। तर कहिले आलोपालो प्रम त कहिले शासन प्रणाली परिवर्तन, अनि राष्ट्रियसभा सदस्य पनि प्रम हुने व्यवस्था गर्न संविधान संशोधनको बेमौसमी बहस। के नेकपा राजनीतिक स्थिरता दिन अक्षम छ भन्ने सन्देश दिन खोजिएको हो?
यसअघि नेकपाको सचिवालय बैठकले राष्ट्रिय सभा सदस्यलाई पनि प्रधानमन्त्री बनाउन मिल्ने गरी संविधान संशोधन गर्न बरिष्ठ नेता माधवकुमार नेपालको संयोजकत्वमा कार्यदल बनाएको थियो।
