प्रतिनिधि सभा विघटन मुद्दामा सर्वोच्च अदालतको संवैधानिक इजलासमा निरन्तर भइरहेको सुनुवाइ सोमबारका लागि सकिएको छ। भोलि फेरि सुनुवाइ हुने गरी उक्त मुद्दा हेर्दाहेर्दैमा राखिएको हो।
आजको सुनुवाइमा रिट निवेदकका तर्फबाट अधिवक्ताहरू दिनमणि पोखरेल, सरोजकृष्ण घिमिरेले बहस गरेका थिए।
बहस गर्दै अधिवक्ता पोखरेलले बहुमतको सरकारका प्रधानमन्त्रीले सरकार चलाउन मन नभए राजीनामा दिनु पर्ने तर संसद विघटन गर्न नपाइने बताएका थिए।
एउटै वकिलले लामो बहस गरेपछि न्यायाधीशले समयको ख्याल गर्न भनेका थिए। रिट निवेदकका तर्फबाट बहस गर्न साढे ३ सय वकिलहरूले निवेदन दिएका छन्।
सर्वोच्चले वकिललाई बहसको समय सीमा भने तोकेको छैन।
