खानेपानी मन्त्री उमाकान्त चौधरीले काठमाडौं उपत्यकामा खानेपानीको दीगो व्यवस्थापनका लागि नयाँ स्रोतहरू पनि खोज्ने काम भइरहेको बताएका छन्।
आज प्रतिनिधि सभा संसदमा बोल्दै उनले मकवानपुरको सिस्नेरी खोला, ललितपुरको ठोस्ने र भक्तपुरको महादेउ खोलाबाट पनि काठमाडौंमा पानी ल्याउन अध्ययन भइरहेको जानकारी गराएका हुन्।
उनले बर्खाका बेला मेलम्चीबाट पानी नल्याइने पनि बताए। सुरूङमा मेलम्चीको भल पस्न सक्ने खतराका कारण पानी बन्द गरिएको र बर्खालगत्तै फेरि काठमाडौंमा मेलम्चीको पानी ल्याइने उनले बताए।