गृह मन्त्रालयले काठमाडौंलगायत विभिन्न जिल्लामा प्रमुख जिल्ला अधिकारी (सिडिओ) परिवर्तन गरेको छ।
काठमाडौं, ललितपुर, कास्कीलगायत जिल्लामा सिडिओ परिवर्तन गरेको हो।
काठमाडौंका सिडिओ गोविन्दप्रसाद रिजाललाई गृह मन्त्रालयमा ल्याइएको छ।
काठमाडौंको नयाँ सिडिओमा घनश्याम उपाध्यायको सरूवा गरिएको छ। यसअघि उनी ललितपुरका प्रमुख जिल्ला अधिकारी थिए।
यस्तै कास्कीमा रहेका जयनारायण आचार्यको ललितपुरमा सरूवा भएको हो। कास्कीमा भने मन्त्रालय प्रशासन महाशाखा प्रमुख टेकबहादुर केसीको सरूवा गरिएको छ।
गृहले जुम्ला, दैलेख, पाँचथरलगायत जिल्लाका प्रमुख जिल्ला अधिकारी पनि हेरफेर गरेको छ।
