नागरिक उन्मुक्ति पार्टीकी अध्यक्ष रन्जिता श्रेष्ठ चौधरीले सरकारलाई आफ्नो पर्टीले विश्वासको मत दिए पनि विपक्षमा बस्ने बताएकी छन्।
प्रधानमन्त्री पुष्पकमल दाहाल प्रचण्डले न्याय दिलाउने प्रतिबद्धताकै कारण उन्मुक्ति पार्टीले विश्वासको मत दिन लागेको प्रष्ट पार्दै न्याय नपाएसम्म सरकारमा नजाने बताएकी हुन्।
सोमबार प्रतिनिधिसभा बैठकमा प्रधानमन्त्रीलाई विश्वासको मतको प्रस्तावको छलफलमा सहभागी हुँदै उनले रेशम चौधरीलगायत थारूहरूको रिहाई नभएसम्म आफूहरू प्रतिपक्षमै बस्ने जिकिर गरिन्।
उनले टीकापुरबासीलाई दया नभएर न्याय चाहिएको भन्दै जतिसक्दो चाडो न्याय दिन माग गरिन्।
उनले टीकापुर घटना भइरहँदा घाइतेलाई उद्धार गरेर अस्पताल पुर्याइरहेकाहरू, कपाल काटीरहेकाहरु, तरकारी बेचिरहेकाहरु अनि रिक्सा चलाइरहेकाहरु र स्कुल पढाइरहेकाहरु किन जेलमा छन्? उत्तर चाहिएको छ भनेर जवाफसमेत मागिन्।
