जनमत पार्टीका अध्यक्ष सिके राउतले मिटरब्याजी पीडितहरूलाई भेटेर न्याय दिलाउने बताएका छन्।
११ दिन हिँडेर काठमाडौंको मातातीर्थ आएका मधेसका विभिन्न जिल्लाका मिटरब्याजी पीडितहरूलाई भेटेर राउतले समस्या समाधानका लागि सरकारसँग पनि कुराकानी गर्ने बताए।
‘यसबारे सरकारसँग पनि कुरा गर्छौं। नभए जनमत पार्टीले आन्दोलन गर्न परे पनि गर्छ,’ राउतले भने, ‘हामीले भ्रष्टाचारविरूद्ध पनि आन्दोलन गरेकै हो। यसमा पनि आन्दोलन गर्छौं। तपाईंहरूलाई न्याय दिलाउँछौं।’
राउतले मिटरब्याजी पीडितहरूलाई खान तथा बस्ने व्यवस्थाका लागि पनि सहयोग गर्ने बताएका थिए।
यो पनि: 'कानुन बनाउन' ११ दिन हिँडेर काठमाडौं आएकाहरू (भिडिओ)
