नेपाली सेना र अमेरिकी सेनाबीच एक महिना लामो संयुक्त अभ्यास हुने भएको छ।
काठमाडौंमा फागुन ५ गतेदेखि सुरू हुने संयुक्त अभ्यास चैत ६ गते सकिने सैनिक स्रोतले सेतोपाटीलाई बतायो।
अभ्यास छाउनी र नगरकोटमा हुनेछ।
संयुक्त अभ्यासमा अमेरिकी सेनाका ९ जना र नेपाली सेनाका ३६ जना सहभागी हुनेछन्।
एक महिनाको दौरानमा दुई देशका सेनाबीच अन्तर्राष्ट्रिय मानवीय कानुन, घाइतेहरूको उद्धार र सहरी विद्रोह नियन्त्रणबारे अभ्यास हुने सैनिक स्रोतले जानकारी दिएको छ।