अछामको ठाँटीमा बिहीबार फेला परेको शवको सनाखत भएको छ।
शव चार दिनअघि बेपत्ता भएका बाजुराकोे बुढीगंगा नगरपालिका– २ का १८ वर्षीय प्रताप थापाको भएको पुष्टि भएको प्रहरीले जनाएको छ।
उनी नदी तर्ने क्रममा बगेर बेपत्ता भएका थिए। उनको खोजीका लागि जिल्ला प्रहरी र सशस्त्र प्रहरी परिचालित भएको थियो।
जिल्ला प्रहरी कार्यालय बाजुराका प्रहरी निरीक्षक लोकेन्द्रसिंह ठगुन्नाले हिजो भेटिएको शव थापाको भएको बताए।
उनले आफन्तले शव पहिचान गरेपछि दाहसंस्कार भैसकेको बताए।
