स्वास्थ्य तथा जनसंख्या मन्त्रालयले दैनिक २२ हजार जनाको पिसिआर विधिबाट कोरोना भाइरसको परीक्षण गर्नसक्ने जनाएको छ।
मन्त्रालयका प्रवक्ता डाक्टर जागेश्वर गौतमले सरकारी प्रयोगशालामा १८ हजार ५ सय र बाँकी निजी प्रयोगशालामा गरी दैनिक २२ हजारको परीक्षण गर्न सकिने बताए। उनले देशभर अहिले ३२ वटा सरकारी र ६ वटा निजी गरी जम्मा ३८ वटा प्रयोगशाला सञ्चालनमा रहेको जनाए।
साथै, परीक्षणको दायरा पनि फराकिलो बनाइएको मन्त्रालयले जनाएको छ।
शुक्रबार देशभर ७ हजार ९ सय २६ जनाको पिसिआर विधिबाट परीक्षण भएको छ। जसमा ४ सय ६४ जनामा संक्रमण पुष्टि भएको छ।
पछिल्लो समय संक्रमणको जोखिम बढेसँगै परीक्षणको दायरा पनि बढाइएको छ।
