भारतको राजधानी दिल्लीमा पहिलोपटक पाँच हजार बढीको संख्यामा कोरोना संक्रमित फेला परेका छन्।
दिल्लीका अधिकारीका अनुसार एकैदिन यति संख्यामा संक्रमित फेला परेको यो पहिलो पटक हो।
बुधबार यो संख्याले पहिलो पटक पाँच हजारको संख्या पार भएर ५ हजार ६ सय ७३ पुगेको छ।
प्रेस ट्रस्ट अफ ईण्डियामा प्रकाशित समाचारका अनुसार कोरोनामाथि प्रभावकारी नियन्त्रण भइराखेको ठानिएको भएपनि पछिल्ला केही दिनमा संक्रमितहरू चार हजारको आसपासमा भेटिदै आएको थिए।
भारतमा कोरोनाबाट हालसम्म ८० लाख ३८ हजार ७ सय ६५ जना संक्रमित भइसकेका छन्। संक्रमणका कारण १ लाख २० हजार ५ सय ६३ जनाको मृत्यु भएको छ।
यस्तै वर्ल्डमिटरको पछिल्लो तथ्यांक अनुसार ७३ लाख १४ हजार ९ सय ५१ जना संक्रमित उपचारपछि निको भएका छन्।
