दोलखामा एक जनाले श्रीमतीको विभत्स हत्या गरेका छन्। कालिञ्चोक गाँउपालिका ६ खारेबेसीका २७ वर्षिय हिमाल थामीले २३ वर्षीया श्रीमती सुनिता थामीको हत्या गरेका हुन्।
शुक्रबार राति करिब २ बजे थामीले श्रीमतीलाई खुकुरी प्रहार गरी हत्या गरेको जिल्ला प्रहरी कार्यालय दोलखाका प्रमुख डीएसपी भेषराज रिजालले जानकारी दिए।
श्रीमतीको हत्या गरी भाग्न खोज्ने थामीलाई प्रहरीले पक्राउ गरेको छ।
हत्याको खबर पाए लगतै डीएसपी रिजाल आफैं घटनास्थल पुगेका थिए।
‘करिब २ बजेको हाराहारीमा घटना भएको हामीलाई खबर आयो’, डीएसपी रिजालले भने, ‘हामी घटनास्थलमा पुग्यौं ४ बजे अभियुक्तलाई पक्राउ गर्यौं।’
श्रीमतीको हत्यापछि थामी गाँउ छाडेर भाग्ने तयारीमा थिए।
प्रहरीले गाँउलाई चारैतिर घेरा हालेर थामीलाई पक्राउ गरेको थियो।
पक्राउ परेका थामीलाई आवश्यक कारवाहीका लागि जिल्ला प्रहरी कार्यालय दोलखामा ल्याइएको छ।
घटनाको बारेमा थप अनुसन्धान भईरहेको डीएसपी रिजालले जानकारी दिए।
--1715160207.JPG)
