प्रहरीले भन्सार छलेको आरोपमा हार्डवेयर तथा लत्ताकपडा बोकेको ट्रक नियन्त्रणमा लिएको छ।
बुधबार राति प्रहरीले वीरगन्ज महानगरपालिका-८ घन्टाघर सडकखण्डबाट ना६ख ६०३ नम्बरको मालबाहक ट्रक नियन्त्रणमा लिएको हो।
प्रज्ञापत्रबिनै मालसामान ल्याएको पाइएपछि उक्त ट्रक राति साढे ११ बजे उक्त ट्रक नियन्त्रणमा लिइएको पर्सा प्रहरी प्रवक्ता प्रहरी नायब उपरीक्षक ओमप्रकाश खनालले बताए।
उक्त ट्रकमा १ करोड २० लाख बराबरको सामान रहेको खनालले बताए। नियन्त्रणमा लिइएको ट्रक राजश्व अनुसन्धान कार्यालय पथलैयामा बुझाइएको छ।