चलचित्र ‘विर विक्रम २’ को पहिलो गीत सार्वजनिक भएको छ।
रञ्जीत गजमेरको संगीत रहेको ‘पिरतीको मिठो तिर्सना…’ बोलको गीतलाई रिमेक भर्सनमा ताराप्रकाश लिम्बु र मेलिना राईले गाएका हुन्।
‘देउता’ सिनेमाको सुपरहिट गीतको शब्द निर्देशक तुलसी घिमिरे र कुसुम गजमेरले लेखेका हुन्। यो गीतको ओर्जिनल भर्सनमा भारती घिमिरे र इन्द्रजित मिजारको स्वर रहेको छ।
निर्देशक मिलन चाम्सले यो गीतलाई ओर्जिनल भर्सनको भिडियो भन्दा धेरै फरक बनाउन प्रयास गरेको बताए । मिलनका अनुसार मुस्ताङमा खिचिएको यो गीतमा मात्रै करिब २३ लाख बढी खर्च भएको सुनाए ।
चाम्सले गीतमा पल शाह, वर्षा सिवाकोटी र नाजिर हुसेनलाई फिचर्ड गराएका छन्।
चाम्स इन्टरटेनमेन्ट र लण्डन सिने आईको व्यानरमा निर्माण भएको सिनेमामा अर्पण सापकोटा सह निर्माता रहेका छन्।
सिनेमामा देशभक्त खनाल, मनोज केसी, विनिसा भण्डारी, बुद्धि तामाङ, क्षितीज सुवेदी, बाल कलाकार मनिष लिम्बु, कृजन गौतम लगायतका कलाकारको अभिनय छ।
सिनेमाको गीतमा कविराज गहतराजको कोरियोग्राफी हेर्न सकिने छ ।
सिनेमामा प्रदीप भारद्धाजको कथा, पटकथा तथा संवाद, हिमाल केसीको द्धन्द्व, रञ्जीत गजमेर, ताराप्रकाश लिम्बु र राजनराज सिवाकोटीको संगीत, सुदीप बरालको डिओपी, नवराज उप्रेतीको छायांकन, बनिष शाहको सम्पादन रहेको छ ।
