'छक्का पञ्जा' निर्माण समूहले निर्देशक दीपेन्द्र लामासँगको सहकार्यमा निर्माण गर्न लागेको नयाँ सिनेमाको नाम ‘६ माया छपक्कै’ जुराएको छ।
रोहित अधिकारसँगको निर्माण सहकार्यमा निर्माण हुन लागेको सिनेमाको छायाँकन वैशाखबाट सुरू हुने जानकारी निर्देशक लामाले आफ्नो फेसबुकबाट दिएका हुन्।
उनले आफ्नो पोस्टमा सिनेमाको नामसँगै रिलिज मिति पनि सार्वजनिक गरेका छन्। उनको पोस्ट अनुसार सिनेमा दशैंमा रिलिज हुनेछ।
उनले कलाकार र अन्य क्रूको नाम केहि दिनमा सार्वजनिक गर्ने उल्लेख गरेका छन्। सिनेमालाई हरि हुँमागाईंले खिच्ने पनि उनले बताएका छन्।
निर्देशक लामा निर्देशित 'गोपीू' यसै वर्ष रिलिज भएको थियो। सिनेमाले विषयका लागि तारिफ बटुले पनि गतिलो समीक्षा हासिल गर्न असफल भएको थियो भने वक्सअफिसमा पनि सिनेमा चलेको थिएन।
