सिद्धार्थ जन्मे
लुम्बिनी नेपालमा
बुद्धको जन्म
सिद्धार्थ हृदयमा
कसैले पनि
असत्य नफैलाओस्
गौतम बुद्ध
अन्तै जन्मे भनेर
कुमार सिद्धार्थ
दक्षिणका ठानेर
कसले सक्छ
इतिहास डढाल्न?
हिमालमुनि
बस्ने जातिको छाति
वज्र निर्मित
नसोचे हुन्छ गाल्न
को समर्थ छ
सगरमाथा ढाल्न?
बरू रामको
सही जन्मभूमिको
पत्तो लगाऊँ
दक्षिण कि उत्तर?
जुटाऊँ बरु
ठोस सबूतहरू
पूर्व पश्चिम
उत्तर र दक्षिण
जहाँ नै होस्
सक्कली जन्मथलो
फेला पारेर
पुजेको पो सार्थक
आस्तिकहरू!
आस्था त अस्तित्वमा
राखे पो तत्व
अङ्कुरित हुनेछ
पुष्पित हुँदै
सुफलित हुनेछ
आफ्नो आफ्नै हो
दाबी गर्नुपर्छ र?
अरूको आफ्नो
दाबी गर्नुको अर्थ?
अर्थ न बर्थ
नदुखाऊ टाउको
नसुकाऊ रगत...
