चीन भ्रमणबाट फर्किएका परराष्ट्रमन्त्री नारायण खड्काले नेपाली भूमि चीनविरूद्ध प्रयोग गर्न नदिनेमा विश्वास दिलाएको बताएका छन्।
औपचारिक भ्रमणपछि उनी बिहीबार साँझ काठमाडौं फर्किएका हुन्।
उनले त्रिभुवन विमानस्थलमा पत्रकार सम्मेलन गर्दै आफ्ना समकक्षी वाङ यीलाई नेपालको भूमि चीनविरूद्ध प्रयोग गर्न नदिनेमा विश्वास दिलाएको बताए। यस्तै नेपाल एक चीन नीतिप्रति प्रतिबद्ध रहेको पनि उनले बताए।
‘मैले मेरो समकक्षीलाई एक चीन नीतिप्रति नेपालको दृढ प्रतिबद्धता रहेको बताउँदै हाम्रो भूमि चीनको विरूद्धमा प्रयोग हुन नदिने कुरामा विश्वास दिलाएको छु,’ उनले भने।
उनी गत मंगलबार चीन भ्रमणका लागि गएका थिए।
