मेगा बैंकको नाफा १३१ प्रतिशतले बढेको छ। यस आर्थिक वर्षको तेस्रो त्रैमासिक अवधिमा बैंकले १ अर्ब २१ करोेड खुद नाफा कमाएको छ। गत वर्षको यस अवधिमा यस्तो नाफा ५२ करोड थियो।
बैंकको व्यवसाय विस्तार सामान्य रहँदा पनि नाफामा उल्लेख्य वृृद्धि देखिएको छ। एक वर्षको अवधिमा बैंकको निक्षेप १८ प्रतिशत तथा कर्जा २१ प्रतिशतले बढेको छ। चैत मसान्तसम्म कुल ७५ अर्ब निक्षेप संकलन गरी ६७ अर्ब कर्जा प्रवाह गरेको छ।
बैैंकले दिने औसत व्याजदर र लिने औसत व्याजदरको अन्तर समेत बढेको छ। स्प्रेड दर एक वर्षको अवधिमा ४. ४८ बाट बढेर ४.७२ प्रतिशतमा पुगेको छ। यसले बैंकको नाफामा टेवा पुर्याएको देखिन्छ। अर्कोतर्फ बैंकको निश्क्रिय कर्जा बढेको छ।
गत वर्ष ०. ९८ प्रतिशत रहेको निश्क्रिय कर्जा अहिले १. ४२ पुगेको छ। गत वर्ष ११ प्रतिशत रहेको आधार दर अहिले १०. २० कायम भएको छ। बैंकको प्रतिसेयर आम्दानी १५ रुपैयाँ ७९ पैसा छ भने प्रतिसेयर नेटवर्थ १२६ रुपैयाँ छ।
१० अर्ब ३८ करोड चुक्ता पुँजी रहेको बैंकको जगेडा कोषमा १ अर्ब ९४ करोड रुपैयाँ छ।
