विद्युत प्रधिकरणमा घरबेटीले मनलाग्दी विद्युतको महसुल लिएको गुनासो बढेको प्रति ध्यानाकर्षण भएको भन्दै उजुरी आए कारबाही गर्ने भएको छ ।
प्रधिकरणका कार्यकारी निर्देशक कुलमान घिसिङले प्रधिकरणको जिम्मेबारी सम्हालेको तीन वर्ष पुगेको उपलक्ष्यमा आयोजित पत्रकार सम्मेलनमा बोल्दै उक्त कुरा बताएका हुन् ।
‘हामीलाई घरबेटीले बढी दरले महसुल लिएको भन्ने गुनासो आइरहेको छ,’ उनले भने, ‘विद्युत प्रधिकरणसँग लिएको विद्युतमा कसैले पनि व्यापार गर्न पाइँदैन । त्यस्तो गरेको कसैले गुनासो गर्छ भने हामी अनुगमन गरी कारबाही गर्छौ ।’
उनले घरबेटीले पैसा कमाउने उदेश्य भए घरभाडा बढी लिन मिल्ने तर प्रधिकरणले दिएको विद्युत बढी मूल्यमा बेच्न नमिल्ने बताए ।
अहिले प्रधिकरणले विद्युत खपतअनुसार महसुल दर पनि फरक फरक निर्धारण गरेको छ । त्यसैले सबैले एकै दरले महसुल तिर्दैनन् । प्रधिकरणले प्रतियुनिट तीन रुपैयाँ देखि १३ रुपैयाँसम्म लिँदै आएको छ ।
प्रधिकरणले मुख्य मिटरमा उठेको युनिटमा सेवा शुल्क जोडेर विद्युतको महसुल निर्धारण गर्ने गर्छ ।
प्रधिकरणले अहिले ५ एम्पिएरको २० युनिट भन्दा कम प्रति महिना खपत भएमा ३ रुपैयाँ प्रति युनिट र ३० रुपैयाँ सेवा शुल्क लिन्छ । खपत युनिट बढ्दै जादाँ सेवा शुल्क र प्रतियुनिट महसुल दर पनि बढ्दै जान्छ । एक महिनामा ४ सय भन्दा बढी युनिट विद्युत खपत गर्नेलाई प्रधिकरणले १३ रुपैयाँ प्रतियुनिट र १ सय ७५ रुपैयाँ सेवा शुल्क लिदै आएको छ ।
.JPG)
