भरतपुरको वडा न. १९ मा पुनः मतदान गर्ने आयोगको निर्णय कानुनसम्मत भएको प्रमुख निर्वाचन आयुक्त डा. अयोधिप्रसाद यादवले बताएका छन्। बिहीबार काठमाडौंमा आयोजित कार्यक्रममा बोल्दै प्रमुख निर्वाचन आयुक्त यादवले स्थानीय तह निर्वाचन ऐनको दफा ४९ र ५० मा टेकेर भरतपुर महानगरपालिकाको वडा नम्बर १९ मा पुनः मतदान गर्ने निर्णय लिइएको दोहोर्याए।
उनले कुन अवस्थामा पुनः मतगणना वा मतदान गर्ने भनेर कानुनमै उल्लेख गरिएको भन्दै त्यसै अनुसार आफूहरूले निर्णय लिइएको यादवले बताएका छन्।
यसैबीच आगामी १४ हुने निर्वाचनको सम्पूर्ण तयारी अन्तिम अवस्थामा रहेको भन्दै यादवले निर्वाचनलाई निष्पक्ष ढंगले सम्पन्न गर्न आयोग प्रतिवद्ध रहेको बताए।
