प्रदेश नम्बर एकको सबैभन्दा प्रतिक्षित तीन नगरमध्ये विराटनगर महानगरपालिका र सुनसरीको इटहरी उपमहानगरपालिकामा नेपाली कांग्रेसले अग्रता लिएको छ। सुनसरीकै धरान उपमहानरपालिकामा भने एमालेले कांग्रेसलाई उछिनेको छ।
एक नम्बर प्रदेशको एक मात्रै महानगरपालिका विराटनगरमा सुरू देखिनै कांग्रेसका मेयर उम्मेदवार भीम पराजुलीले एमालेलाई पछि पारेका छन्।
यता धरानमा भने शनिबार साँझबाट एमालेले मतान्तरले बढाउँदै कांग्रेसलाई पछि छोडेको छ। धरान र सुनसरी एमालेले आफ्नो पकड क्षेत्र मान्दै आएको छ । तर, अहिलेसम्मको नतिजा हेर्दा उसले दाबी गरेजस्तो सहज देखिएको छैन। धरानमा थोरै मतले अगाडि रहे पनि इटहरीमा एमाले अझै पछि नै छ ।
विराटनगरमहानगरमा कांग्रेसका मेयरका उमेदवार भीम पराजुलीले ३१४० मत प्राप्त गरेका छन्। एमालेका विनोद ढकालले २२५८ मत प्राप्त गरेका छन् भने संघीय समाजवादीका उमेशकुमार यादववको १६७५ मत प्राप्त गरेका छन्।
यता सुनसरीको इटहरी उपमहानगरपालिकामा कांग्रेसले अग्रता कायमै राखेको छ। कांग्रेसका मेयरका उम्मेदवार रोहित प्रसाईले ४६७५ मत पाएका छन् । एमालेका द्वारिकलाल चौधरीले ४५१८ मत प्राप्त गरेका छन् ।
२० वटा वडा रहेको इटहरी उपमहानगरपालिकामा ७७ हजार ६९४ मतदाता रहेकोमा ५७ हजार ३७९ मत खसेको थियो।
धरान उपमहानगरमा एमालेका तर्फबाट मेयरको उम्मेदवार तारा सुब्बाले २९२२ मत पाएका छन् । यस्तै कांग्रेसबाट मेयरका उमेदवार तिलक राईले २६९५ मत प्राप्त गरेका छन्।
यसअघि मतगणना सुरु भएदेखि नै कांग्रेसले निरन्तर लिड गरिरहेको थियो । २० वटा वडा रहेको धरान उपमहानगरमा ७९ हजार २८२ मतदाता रहेकामा ५३ हजार ८१२ मत खसेको थियो।
उपमेयरमा पनि एमालेकी मञ्जु भण्डारी सुबेदीले ३०४४ मत ल्याएकी छिन् भने काङग्रेसकी श्यामा रेग्मीले २६८३ मत ल्याएकी छिन् । माओबादी केन्द्र सहितका ९ दलिय गठबन्धनका मेयरका उमेद्धार अइन्द्र बिक्रम बेघाले १६४८ मत ल्याएका छन् भने नौ दलिय गठबन्धबाट उप मेयर उठेका संघिय समाजबादी फोरम नेपालका उमेद्धार पारस काङमाङ राईले ३३५ मत प्राप्त गरेका छन् ।
