टिकापुर नगरपालिकामा नौ वटा वडाको मत गणना सकिएको छ । नौ वटा वडाको मत गणना सकिँदा नेपाल लोकतान्त्रिक फोरमले अग्रता कायमै राखेको छ ।
नेपाल लोकतान्त्रिक फोरमले ४ हजार ५ सय १६ मत ल्याएको छ भने दोस्रोमा रहेको माओवादी केन्द्रले ३ हजार ८ सय ४२ मत ल्याएको छ। नेपाली कांग्रेसका उम्मेदवारले ३ हजार ४ सय ३७ मत ल्याएका छन भने एमाले उम्मेदवारको ३ हजार ३ सय ५४ मत रहेको छ।
उपमेयरमा पनि नेपाल लोकतान्त्रिक फोरम नै अगाडि रहेको छ । नेपाल लोकतान्त्रिक फोरमका उमेदवारको ४ हजार ४ सय ६१ मत रहेको छ। माओवादी केन्द्रको ३ हजार ९ सय ६२ मत रहेको छ भने नेपाली कांग्रेसको ३ हजार ५ सय ५४ मत रहेको छ । एमाले उमेदवारले ३ हजार १ सय ७६ मत ल्याएका छन् ।
अब एउटा मात्र वडा गन्न बाँकी छ। सबैभन्दा बढी १४ हजार मतदाता रहेको यो वडामा १० हजार बढी मत खसेको टिकापुरका निर्वाचन अधिकृत मनप्रसाद रेग्मीले सेतोपाटीलाई बताए।