तेह्रथुमको दुई वटा नगरपालिका कांग्रेस र एमालेले जितेको छ। लालीगुराँस नगरपालिकाको मेयर र उपमेयरको दुवै पद कांगेसले जित्यो। कांग्रेसका अर्जु मोवोहाङ ३ हजा ८ सय ५१ म्त प्राप्त गर्दै विजयी भए। उनले एमालेका कमल खड्कालाई १ हजार २५ मतले हराएका थिए। खड्काले २ हजार ८ सय २६ मत प्राप्त गरेका थिए।
उपमेयरमा कांग्रेसकी तिला पोखरेल ३ हजार २ सय मत प्राप्त गर्दै विजयी भइन्। उनले एमालेकी जमुना मगर कार्कीलाई १ सय २३ मतले पराजित गरेकी थिइन्। कार्कीले ३ हजार ७७ मत प्राप्त गरिन्।
यस्तै, म्याङलुङ नगरपालिकाको मेयर र उपमेयर दुवैमा एमाले विजयी भयो। एमालेका संजयकुमार तुम्वाहाम्फेले ३ हजार ८ सय ८० मत प्राप्त गर्दै जित सुनिश्चित बनाएका थिए। उनले आफ्नो प्रतिद्वन्दी कांग्रेसका रणविक्रम लिम्बुलाई ३ सय २२ मत अन्तरले पराजित गरे।
कांग्रेसी उम्मेदवार लिम्बुले ३ हजार ५ सय ६८ मत प्राप्त गरे। उपमेयर ४ हजार ६३ मत प्राप्त गर्दै एमालेकी पार्वतीसानु डांगी विजयी भइन्।
