प्रदेश नम्बर १ को स्थानीय तह निर्वाचनमा १६ नगरपालिकासहित ४० गाउँपालिका जितेर नेकपा एमाले ठूलो पार्टी बन्न पुगेको छ।
प्रदेश नम्बर १ मा रहेको १ महानगरपालिका, २ उपमहानगरपालिका, ४६ नगरपालिका र ८९ गाउँपालिकामध्ये हालसम्म ३१ नगरपालिका र ७९ गाउँपालिकाको निर्णय सार्वजनिक भइसकेको छ। जसमा एमालेले धनकुटा र इलाममा अभूतपूर्व सफलता हात पारेको छ। एमालेले धनकुटाको ३ नगरपालिका र ४ गाउँपालिकाको सबै सिट जितेर ‘क्लिन स्विप’ गरेको छ। इलाममा उसले ४ मध्ये चारै वटा नगरपालिका जितिसकेको छ।
यस्तै, नेपाली कांग्रेस १४ नगरपालिका र २७ गाउँपालिका जितेर दोस्रो स्थानमा छ। विजय गच्छ्दारको लोकतान्त्रिक फोरम दुहवीमा १ नगरपालिका र १ गाउँपालिका जितेर तेस्रो स्थानमा छ। माओवादी केन्द्रले ८ गाउँपालिका जितेको छ र ऊ चौथो नम्बरमा छ। राष्ट्रिय प्रजातान्त्र पार्टीले झापामा २ गाउँपालिका जितेको छ। यस्तै संघीय समाजवादी फोरम नेपालले सुनसरीमा एक गाउँपालिका जितेको छ। बाँकी पार्टीहरुले खाता खोल्न सकेका छैनन्।
अब १ महानगर, २ उपमहानगर, १५ नगरपालिका र १० गाउँपालिकाको निर्णय सार्वजनिक हुन बाँकी छ। नगरपालिकामा पनि ८ सिट रहेको झापामा ७ वटाको निर्णय हुन बाँकी छ।
यस्तै, मोरङमा १ महानगर र ५ नगरपालिकाको निर्णय बाँकी छ। सुनसरीमा पनि २ उपमहानगर र १ नगरपालिकाको निर्णय आउँन बाँकी छ। उदयपुरको पनि २ नगरपालिकाको निर्णय आउन बाँकी छ।
झापामा एमालेको अवस्था बलियो छ। झापामा बाँकी ७ वटै नगरपालिकामा एमालेको अग्रता छ। मोरङमा नेपाली कांग्रेसको अवस्था बलियो छ। सुनसरीमा एमाले र कांग्रेसबीच कडा प्रतिस्पर्धा छ। सुनसरीको इटहरी र धरान उपमहानगरपालिकामा एमालेको पकड बलियो बन्दै गइरहेको छ भने नगरपालिकामा कांग्रेसले पकड जमाउँदै लगेको छ। उदयपुरको ४ मध्ये १–१ स्थानमा कांग्रेस/एमालेले जित हात पारिसकेका छन्। बाँकीको २ स्थानमा पनि दुवै पार्टीबीच कडा प्रतिस्पर्धा छ। मोरङको रंगेली नगरपालिकामा माओवादी केन्द्रका दिलिपकुमार अग्रवालले थोरै मतले कांग्रेसका मोदराज घिमिरेलाई पछि पारेका छन्। यस नगरपालिकामा दिलिप विजयी भएको खण्डमा माओवादी केन्द्रले एक नम्बर प्रदेशमा मेयरको खाता खोल्ने छ।
ताप्लेजुङ (१ नगरपालिका र ८ गाउँपालिका)एमालेः १/ ४
कांग्रेसः ०/४
पाँचथर (१ नगरपालिका, ७ गाउँपालिका)कांग्रेसः १/ ३
एमालेः ०/ ३
माओवादीः ०/ १
इलाम (४ नगरपालिका, ६ गाउँपालिका) एमालेः ४/ ३
कांग्रेसः ०/३
झापा (८ नगरपालिका, ७ गाउँपालिका)एमालेः १/ १
राप्रपाः ०/२
कांग्रेसः ०/१
(नोटः ७ नगरपालिका र ३ गाउँपालिकाको नतिजा बाँकी)
संखुवासभा (५ नगरपालिका, ५ गाउँपालिका)एमालेः ३/२
कांग्रेसः २/ ३
तेह्रथुम (२ नगरपालिका, ५ गाउँपालिका)एमालेः १/४
कांग्रेसः १/ १
धनकुटा (३ नगरपालिका, ४ गाउँपालिका)एमालेः ३/ ४
भोजपुर (२ नगरपालिका, ७ गाउँपालिका)कांग्रेसः २/२
एमालेः ०/ ४
माओवादी केन्द्रः ०/ १
खोटाङ (२ नगरपालिका, ८ गाउँपालिका)एमालेः १/ ४
कांग्रेसः १/ ३
माओवादी केन्द्रः ०/ १
सोलुखुम्बु (१ नगरपालिका, ७ गाउँपालिका)कांग्रेसः १/०
एमालेः ०/४
माओवादी केन्द्रः ०/३
ओखलढुंगा (१ नगरपालिका, ७ गाउँपालिका)एमालेः १/२
कांग्रेसः ०/ ४
माओवादी केन्द्रः ०/१
उदयपुर (४ नगरपालिका, ४ गाउँपालिका)एमालेः १/३
कांग्रेसः १/ ०
माओवादी केन्द्रः ०/१
(नोटः २ नगरपालिकाको नतिजा आउन बाँकी)मोरङ (१ महानगर, ८ नगरपालिका, ८ गाउँपालिका)कांग्रेसः ०/ ३/२
एमालेः ०/०/२
(नोटः १ महनागर, ५ नगरपालिका र ४ गाउँपालिकाको नतिजा आउन बाँकी)सुनसरी (२ उपमहानगर, ४ नगरपालिका, ६ गाउँपालिका)कांग्रेसः ०/२/ १
लोकतान्त्रिक फोरमः ०/१/१
संघीय समाजवादी फोरम ०/०/१