मोरङको धनपाल थान गाउँपालिकाको अध्यक्षमा नेपाली कांग्रेसका उम्मेद्वारले चुनाव जितेका छन्। मोरङका पूर्वजिविस सभापति हरिलाल सिंह २५ वर्षपछि गाउँपालिका अध्यक्ष बनेका हुन्। २०४९ सालको स्थानीय चुनावबाट मोरङ जिविसका सभापति बनेका सिंहले शुक्रबार नेकपा एमालेका उम्मेद्वारलाई ४ सय भन्दा कम मतान्तरमा हराएका हुन्।
शुक्रबार राति आएको चुनावी नतिजा अनुसार सिंहले ५१८७ मत ल्याएर एमाले उम्मेदवारलाई हराएका छन् । एमाले उम्मेदवारको ४८५३ मत पाएका थिए।
धनपालको उपाध्यक्षमा पनि नेपाली कांग्रेसकै नसिमा वान ४६३५ मतका साथ विजयी बनेकी छिन् । नसिमाकी प्रत्यासी एमालेकै उपासी राजबंशीले ४४२१ मत ल्याइन्।
दक्षिणी मोरङका दादरवैरिया, सोराभाग, अमाहिबरियाती, नोचा र कदमाहा गाविसलाई मिलाएर धनपालथान गाउँपालिका बनेको हो।
