लिओनल मेसीले पाएको २१ महिनाको जेल सजायको सट्टा अब जरीवाना तिरे हुने भएको छ।
कर छलीको आरोपमा स्पेनिस अदालतले फुटबलर मेसीलाई २१ महिना जेल सजाय सुनाइएको थियो। तर, अब उनले दिनको ४०० युरोका दलले २ लाख ५२ हजार युरो जरिवाना तिरे जेल बस्नु पर्दैन।
सन् २००७ देखि ०९ सम्ममा ४.१ मिलियन पाउण्ड कर छली गरेको आरोपमा मेसी र उनका बुबा जोर्जे दोषी ठहरिएका थिए मेसीलाई २१ र उनका बुबालाई १५ महिना जेल सजाय सुनाइएको थियो ।
फैसलाविरुद्ध अर्जेन्टिनी फुटबलर मेसीले अपीलसमेत गरेका थिए । तर, अदालतले त्यसलाई अस्वीकार गरेको थियो। उनको बुबाले केही कर तिरेको पाइएपछि अदालतले जेल सजाय १५ महिनामा झारिएको थियो ।
स्पेनिस कानुनमा २ वर्षभन्दा कम समय सजाय पाएका व्यक्तिले जरिवाना तिरे जेलमा बस्नुपर्दैन।
