कर फर्स्यौट आयोगका ३ पदाधिकारी विरुद्ध मुद्दा दायर गर्ने विषयमा अहिले अख्तियारमा बैठक बसिरहेको छ। बैठकले बिगो दाबीसहित कर फर्स्यौट आयोगका अध्यक्ष लुमध्वज महत, सदस्य उमेश ढकाल र सदस्य सचिव तथा आन्तरिक राजश्व विभागका निलम्बित महानिर्देशक चुडामणि शर्माविरूद्ध मुद्दा दर्ता गर्ने तयारी गरेको हो।
आरोप पत्र भोलि बुझाउने अख्तियार स्रोतले सेतोपाटीलाई बतायो। ‘आज समय पुग्दैन बैठक चलिरहेको छ,’ अख्तियार स्रोतले भन्यो,‘ भोलि बिगो दाबीसहित मुद्दा दर्ता गर्नेमा तयारी चलिरहेको छ।’ १०७९ मध्ये करिब ५० वटा मात्रै फाइल हेरेको अख्तियारले उक्त बिगोदाबीसहित मुद्दा दर्ता गर्न लागेको हो।
जेठ १९ मा पक्राउ परी अख्तियारको हिरासतमा रहेका चुडामणिलाई रिहाईको माग गर्दै पत्नीले दायर गरेको बन्दी प्रत्यक्षीकरणको मुद्दामा सर्वोच्चले शुक्रबार चुडामणिलाई अदालतमा उपस्थित गराउन आदेश दिएको थियो।
कर फर्स्यौट आयोगका अन्य दुई पदाधिकारी महत र ढकाल भने हालसम्म पनि फरार छन्।