ताप्लेजुङकी एउटी चेली जन्मथलोमा स्वास्थ्य चौकी भवन बनाउने अभियानमा जुटेकी छिन्। फक्ताङलुङ गाउँपालिकाको घुन्सा अस्थायी सामुदायिक स्वास्थ्य भवन बनाउन याङजोम शेर्पाले फेस बुक अभियान मार्फत १६ लाख रुपैयाँ उठाइसकेकि छिन् ।
चालिस लाख रुपैयाँ उठाएर ५ कोठे पक्की भवन बनाउने उनको योजना छ । विगत तीन महिनादेखि फेसबुक अभियान चलाएकि शेर्पाले आउँदो चैतभित्र रकम उठिसक्ने आशा गरेकि छिन् । स्वास्थ्य चौकी भवन नहुँदा समस्या भैरहेको उनले बताइन् ।
घुन्सा पुग्न ताप्लेजुङको सदरमुकाम फुङलिङबाट चार दिन लाग्छ । यसैबीच शनिबार लिःल फङ् घले समाजले नेपाल र विदेशबाट उठाएको १ लाख ३१ हजार रुपैयाँ शनिबार काठमाडौंमा शेर्पालाई हस्तान्तरण गरेको समाजका अगुवा बीरसिंह घलेले जानकारी दिएका छन्।