आन्तरिक राजस्व विभागका महानिर्देशक चुडामणि शर्मालाई गैरकानुनी थुनामा राखेको भन्दै परेको बन्दीप्रत्यक्षीकरणको रिटमा सर्वोच्च अदालतमा आजको बृहद् पूर्ण इजलासको सुनुवाइ स्थगित भएको छ।
बृहद् पूर्ण इजलासमा न्यायाधीशहरु दीपकराज जोशी, दीपककुमार कार्की, केदारप्रसाद चालिसे, शारदाप्रसाद घिमिरे र अनिलकुमार सिन्हा रहेका थिए।
विशेष अदालतमा पनि मुद्दा चलिरहेकाले त्यहाँबाट फाइल मगाउने निर्णय गरेर आजको सुनुवाइ स्थगित भएको हो।
शर्माकी श्रीमती कल्पना उप्रेती शर्माले आफ्ना श्रीमानलाई गैरकानुनी तरिकाले थुनामा राखेको भन्दै बन्दीप्रत्यक्षीकरण रिट हालेकी थिइन्।
यसअघि न्यायाधीशद्व चोलेन्द्रशम्शेर जबरा र प्रकाशमान सिंह राउतको इजलासले कर फर्छ्यौट आयोग अर्धन्यायीक निकाय भएकोले संवैधानिक प्रश्न उठेको भन्दै सुनुवाई पूर्ण इजलासले गर्नुपर्ने ठहर गरेको थियो।
