प्रभु बैंकले आफ्नो नयाँ शाखा कार्यालय काठमाडाैंको गुर्जुधारामा स्थापना गरेको छ । आइतबार सभासद राजेन्द्र कुमार केसीले एक समारोहका बीच उक्त शाखा कार्यालयको उद्घाटन गरेका हुन् ।
बैंकले उपत्यका भित्रका बैंकिङ्गको पहुँच नपुगेको स्थानमा शाखा खोल्ने क्रममा उक्त स्थानमा सम्पूर्ण बैंकिङ्ग सुविधा सहितको अत्याधुनिक शाखा स्थापना गरेको बताएको छ । उक्त शाखा मार्फत काठमाडाैं क्षेत्र नं. १० का उद्योगी, व्यवसायी, शैक्षिक संस्था, स्वास्थ्य संस्था,लगायत सर्वसाधारणहरुले बचत,कर्जासँगै अन्य बैंकिङ्ग सुविधाहरु सरल र सहज रुपमा प्राप्त गर्ने बैङ्कको दाबी छ ।
उक्त कार्यक्रममा बैंकका अध्यक्ष,सुरक्षा निकायका प्रमुख, स्थानीय व्यवसायी लगायतको उपस्थिति रहेको थियो ।