त्रिभुवन विश्वविद्यालयको भौतिक संरचना अव्यवस्थित हुँदै गएको भन्दै नेपाल कम्युनिस्ट पार्टी (नेकपा)का सांसद भीम रावलले सरकारको ध्यानाकर्षण गराएका छन्।
सोमबार प्रतिनिधिसभाको बैठकमा रावलले भने, ‘बाहिर जताततै घाँस उम्रेको छ। सिलिङ भत्केर चुहिने भएको छ। कोही विदेशी पढ्न आयो भने यो गाईवस्तु बाँध्ने गोठ हो कि पढ्ने ठाउँ हो भन्ने अनुभूति हुने अवस्था छ।’
जो कोही त्रिभुवन विश्वविद्यालय जाँदा त्यहाँको भौतिक संरचना हेर्दा दुखी हुने रावलले बताए।
रावलले विश्वविद्यालयलाई सुधार गर्ने, अध्ययन र अनुसन्धानको थलो बनाउने हो भने ऐन, कानुन र प्रणाली सुधारमा ध्यान दिन आग्रह गरे।