हिन्दु राज्यसहितको राजसंस्था माग गर्दै प्रदेश १ को राजधानी विराटनगरमा बुधबार फेरि प्रदर्शन भएको छ।
एक महिनाअघि ठूलो संख्यामा भएको राजावादी प्रदर्शनपछि उनीहरूले फेरि सडकमा शक्ति प्रर्दशन गरेका हुन्।
सुनसरीको इटहरीबाट मोटरसाइकल र कारको र्याली लिएर चर्को नाराबाजीसहित विराटनगर आइपुगेको प्रदर्शनकारीको समूहले संघीयता खारेजीको मागसमेत गरेको थियो।
‘पूर्वाञ्चलवासी नेपाली जनता’ को नाममा र्याली आयोजित थियो।
