बालुवाटारमा आज बसेको संवैधानिक परिषदको बैठकले लोक सेवा आयोगको अध्यक्षमा पूर्वसचिव माधवप्रसाद रेग्मीलाई नियुक्त गर्ने सिफारिस गरेको छ। रेग्मी आयोगकै पूर्वसचिव हुन्।
प्रधानमन्त्री ओली, राष्ट्रिय सभा अध्यक्ष गणेशप्रसाद तिमिल्सिना र प्रधानन्यायाशीश चोलेन्द्र शमशेर जवरा उपस्थित परिषदको बैठकले पूर्वसचिव रेग्मीलाई आयोगको अध्यक्षमा सिफारिस गर्ने निर्णय गरेको स्रोतको भनाइ छ।
रेग्मीको घर झापा हो। उनी लामो समयदेखि काठमाडौंमै बस्छन्।
आयोग अध्यक्षमा सिफारिस भएका रेग्मी सर्वोच्च अदालतका न्यायाधीश कुमार रेग्मीका दाइ हुन्।
नेकपा ऋषि कट्टेलको नाममा रहेको र नेकपा एमाले तथा नेकपा माओवादी केन्द्र पूर्ववत अवस्थामा फर्केको फैसला गर्नेमध्ये रेग्मी पनि एक न्यायाधीश थिए।
गत फागुन २३ मा नेकपा खारेज भई नेकपा एमाले र नेकपा माओवादी केन्द्र पुन: अस्तित्वमा आएको थियो।
आज बसेको संवैधानिक परिषद बैठकमा सभामुख अग्निप्रसाद सापकोटा र नेपाली कांग्रेसका सभापति शेरबहादुर देउवा गएका थिएनन्।
सरकारले संवैधानिक परिषद अध्यादेश ल्याएपछि कांग्रेसले विरोध गरेको छ।
