विवेकशील साझा पार्टीका अध्यक्ष रवीन्द्र मिश्रले संघीयता खारेजी र धर्म निरपेक्षताबारे बहसका लागि प्रस्ताव अगाडि सारेसँगै उक्त पार्टीका संयोजक मिलन पाण्डेसहित चार जना नेताले अर्को प्रस्ताव ल्याएका छन्।
संयोजक पाण्डे, नेता रञ्जु दर्शना, केशव दाहाल र राजेन्द्र पंगेनीले मंगलबार अर्को प्रस्ताव ल्याएका छन्।
मिश्रले व्यक्तिगत भन्दै ल्याएको प्रस्तावमाथि बहस भइरहेको छ। मिश्रले धर्म निरपेक्षताबारे जनमत संग्रह गर्नुपर्ने बताएका थिए। यसबारे उनको आलोचना भइरहेको छ।
यो पनि: रवीन्द्र मिश्रको प्रस्ताव- संघीयता खारेजी, धर्म निरपेक्षताबारे जनमतसंग्रह
संयोजक पाण्डेसहितले ल्याएको प्रस्तावमा वैकल्पिक राजनीतिको मुल बाटो भन्दै विभिन्न प्रस्ताव अगाडि सारिएका छन्। उनीहरूले वैकल्पिक राजनीतिलाई गलत दिशामा लैजान नहुने पनि बताएका छन्।
मुख्यगरी गणतन्त्रको सुदृणीकरण, धर्मनिरपेक्षताको रक्षा तथा संघीयतामा सुधार आजको आवश्यकता रहेको प्रस्तावमा उल्लेख गरिएका छन्।
साथै तीनै तहको सरकार प्रत्यक्ष निर्वाचित कार्यकारी र उत्कृष्टताको आधारमा बन्ने गैरसंसद सदस्यको मन्त्रिमण्डलको शासकीय व्यवस्था हुनुपर्ने उनीहरूको प्रस्तावमा उल्लेख छ।
उनीहरूले शिक्षा नि:शुल्क हुनुपर्ने, स्वास्थ्य सेवा सर्वसुलभ हुनुपर्नेजस्ता कुरा पनि उठाएका छन्।
उक्त प्रस्ताव सार्वजनिक गर्दै पाण्डेले आफूहरट्ठले व्यवस्था नभई अवस्था परिवर्तन गर्ने भनेको बताएका छन्।
यस्तो छ प्रस्ताव: