सूचना, सञ्चार तथा प्रविधि मन्त्री ज्ञानेन्द्रबहादुर कार्कीले डिजिटल भुक्तानी सरकारको प्राथमिकतामा रहेको बताएका छन्।
शुक्रबार ब्राण्डवर्थ प्रालिले काठमाडौंमा गरेको दोस्रो चरणको फोन पे डिजिटल इकोनोमी कन्क्लेभ २०२२ लाई सम्बोधन गर्दै उनले डिजिटल भुक्तानी प्राथमिकतामा रहेको बताए।
यस्ता कार्यक्रमले डिजिटल नेपाल फेर्मवर्क कार्यक्रममा समेत सघाउ पुग्ने विश्वास उनको छ। उनले दुर्गम भेगमा पनि सूचना तथा प्रविधिको पहुँच वृद्धि गरिनुपर्नेमा जोड दिए।
उनले ग्रामीण भेगमा पनि इन्टरनेटको पहुँचका लागि शुल्क कम गरिएको बताएका थिए।
