राष्ट्रिय सभाका समिति सभापतिहरूको चयन भदौ २३ गते हुने भएको छ।
दलहरूबीचमा समिति भागबन्डा मिलेपछि चुनावको मिति तय भएको हो।
राष्ट्रिय सभाका चार समितिमा चार दलले भागबन्डा मिलाएका छन्।
जसअनुसार दीगो विकास तथा सुशासन समितिमा नेपाली कांग्रेसका प्रकाश पन्त, राष्ट्रिय सरोकार तथा समन्वय समितिमा एमालेकी पार्वती रावल रहने सहमति भएको छ।
प्रत्यायोजित व्यवस्थापन तथा सरकारी आश्वासन समितिमा माओवादी केन्द्रका मायाप्रसाद शर्मा र विधायन समितिमा नेकपा एकीकृत समाजवादीका वेदुराम भुसाल रहने सहमति भएको स्रोले बतायो।
भदौ २२ गते नोमिनेसन र २३ गते निर्वाचन गर्ने तयारी रहेको राष्ट्रिय सभाका सचिव राजेन्द्र फुँयालले बताए।