ललितपुर महानगरपालिकाले दुई वटा ब्रुमर भित्र्याएको छ । महानगरले धुलो सफा गर्न दुई इटालियन ब्रुमर भित्र्याएको हो। यद्यपी यी ब्रुमर केही दिनपछि सञ्चालन हुने भएको छ ।
अहिले ब्रुमर सञ्चालन गर्नका लागि चालकले दैनिक ३/४ घण्टा तालिम लिदैँ आएका छन्। तालिम सकेर चालक दक्ष भइसकेपछि ब्रुमर संचालनमा आउनेछ।
इटालियन कम्पनीको म्याक्रोको एम–६० मोडलको ब्रुमर ४ करोड ४८ लाखमा दुई वटा खरिद गरिएको हो। यसको इन्जीनको क्षमता भने ११० किलोवाटको छ। यसको हुपरको क्षमता भने ६० मिटरको छ।
यसले स–साना धुलोहरु संकलन गर्ने महानगरका वरिष्ठ अधिकृत सागर थापाले बताए। बु्रमरबाट कुपन्डोल देखि पुलचोक, जावलाखेल हुदैँ लगनखेलसम्म सरसफाई गर्ने महानगरले जनाएको छ।
आवश्यक परेमा महानगरको भित्री बाटोहरुमा पनि सरसफाई गरिने वरिष्ठ अधिकृत थापाले जानकारी दिए । यी ब्रुमरको वारेन्टी दुई वर्ष सम्मको हुने र मर्मत सम्भार गर्नु परे दुई वर्षसम्म त्यहि कम्पनीले गरिदिने उनले बताए।