कीर्तिपुर नगरपालिका १० मा प्लास्टिक झोलाको न्यूनीकरण गर्न नगरपालिकाले कपडाको झोला वितरण गर्ने भएको छ।
वडा नं. १० का प्रत्येक घरमा झोला वितरण गर्न लागेको वडा कार्यलयले जनाएको छ। प्लास्टिकको प्रयोग कम गर्न प्रत्येक घरमा एउटा कपडाको वितरण गर्न लागेको वडाध्यक्ष अमन महर्जनले बताए।
यो कार्यक्रम कार्यन्वयन गर्न घरमा नगई वडामा भएका विद्यालयमार्फत झोला वितरण गरिनेछ। विद्यालयमा अध्ययन गर्ने विद्यार्थीले नै आफ्ना अभिभाकलाई कपडाको झोला प्रयोगका लागि आग्रह गर्नेछन्।
‘हामी घरघर जाँदैनौ, अभिभावकले आफ्ना बालबच्चाले भनेको कुरा मान्छन्ु’ अध्यक्ष महर्जनले भने, ‘त्यसैले वडामा भएका विद्यालयमा वितरण गर्छौँ, त्यसपछि विद्यार्थीहरुले अभिभावकलाई शिक्षा दिने छन्।’
एक वर्षअघि घरघर गएरै कपडाको झोला वितरण भएको थियो, तर त्यो कार्यन्वयन नभएपछि विद्यार्थीको मार्फत गर्न लागिएको हो।
वडा १० मा तीन वटा विद्यालय रहेका छन्।