नेपालमा पश्चिमी वायुको साथै ‘महा’ नामको चक्रवातको आंशिक प्रभाव रहेको जल तथा मौसम विज्ञान विभागको मौसम पूर्वानुमान महाशाखाले जनाएको छ।
हाल देशको पश्चिम र मध्य क्षेत्र लगायत पूर्वको पहाडी भूभागमा आंशिकदेखि सामान्य बदली रहेको छ भने अन्य भू-भागमा मौसम सामान्यतया सफा रहेको महाशाखाले जनाएको छ।
यसका, साथै महाशाखाले आगामी तीन दिन देशका पश्चिम र मध्य भूभागका एक दुई स्थानमा हल्का वर्षा र उच्च पहाडी र हिमाली भूभागमा हिमपातको सम्भावना रहेको भन्दै सतर्कता अपनाउन आग्रह गरेको छ।
आगामी तीन दिनको मौसम पूर्वानुमान
कात्तिक २० गते(बुधबार)
राती : देशको पश्चिम भूभाग लगायत मध्य र पूर्वी पहाडी भूभागमा आंशिकदेखि सामान्य बदलि रही बाँकी भूभागमा आंशिक बदलि रहने छ। देशका पश्चिम र मध्य भूभागका एक दुई स्थानमा हल्का वर्षा र उच्च पहाडी र हिमाली भूभागमा हिमपातको सम्भावना रहेको छ।
कात्तिक २१ गते (बिहीबार)
दिउँसो : देशको पश्चिम र मध्य भूभाग लगायत पूर्वी पहाडी भूभागमा आंशिकदेखि सामान्य बदलि रही बाँकी भूभागमा आंशिक बदलि रहने छ। देशका पश्चिमी भूभाग साथै पूर्वी र मध्य पहाडी भूभागका एक दुई स्थानमा हल्का वर्षा र उच्च पहाडी र हिमाली भूभागमा हिमपातको सम्भावना रहेको छ।
राती : देशको पश्चिम भूभागमा आंशिकदेखि सामान्य बदली रही मध्य र पूर्वी पहाडी भूभागमा आंशिक बदलि र बाँकी भूभागमा सामान्यतया सफा रहने छ। देशका पश्चिमी भूभाग साथै पूर्वी र मध्य पहाडी भूभागमा एक दुई स्थानमा हल्का वर्षा र उच्च पहाडी र हिमाली भूभागमा हिमपातको सम्भावना रहेको छ ।
कात्तिक २२ गते (शुक्रबार)
दिउँसो : देशको पहाडी भूभागमा आंशिकदेखि सामान्य बदलि रही पूर्वी तराईका भूभागमा आंशिक बदलि रहने छ र बाँकी भूभागमा सामान्यतया सफा रहने देखिन्छ। देशका पहाडी भूभागको एक दुई स्थानमा हल्का वर्षा र हिमाली भूभागमा हिमपातको सम्भावना रहेको छ।
राति : देशको पहाडी भूभागमा आंशिक बदलि रही बाँकी भूभागमा सामान्यतया सफा रहने छ।
