भोजपुरको अरुण गाउँपालिका-६ धाउखानीका १८ वर्षीय डिकबहादुर राईलाई आफ्नै दाजुको हत्या गरेको आरोपमा प्रहरीले पक्राउ गरेको छ।
मंसिर १६ गते मादक पदार्थ सेवन गरी दाजुभाइबीच सामान्य विवाद हुँदा उनले दाजुलाई चिर्पटले टाउकोमा प्रहार गरेको प्रहरीले जनाएको छ।
४० वर्षीय दाजु सुवास राईको घरमै उपचारको क्रममा बुधबार दिउँसो १ बजे मृत्यु भएको थियो। घटनाबारे जानकारी पाएलगत्तै प्रहरी चौकी जरायोटारबाट खटिएको प्रहरी टोलीले घटनामा संग्लग्न राईलाई नियन्त्रणमा लिएको हो।
